MJA kum thar atan Pathian hnenah inhlan thar

0
794
views

Mizoram Journalists’ Association-in vawiin khan kum thar atana Pathian hnena inhlan tharna hun Aizawl Press Club-ah an nei a. MJA Gen. Hqrs. President, Pu Vanlalrema Vantawl chuan, Sana leh calendar inher liam satliah hian kum thar a thlen famkim lo tih hriat a ngai tih sawiin, kum thar dik tak chu thinlungah a thleng thar zawk thin tih hre thar theuh turin MJA member-te a ngen a. MJA member-te chu eizawnna vanga inthlungkhawm an ni a, pawl thiltih leh hmalakna inthlawp kawngah tanla thar turin a sawm bawk.

He inkhawm hi MJA Vice President, Pu Zonunsanga Khiangte-in a kaihruai a, General Secretary, Pu C Lalhmachhuana’n kum 2017 chhunga MJA hmalakna hrang hrang a sawi a. Member hrang hrangin an ngaimawh leh vei zawng te an sawi bawk.