Mizoram Journalists Association-in mi harsate \anpuina atana Charity Fund an thawh khawm a\angin Rs. 30,000 chu Civil Poor Fund-ah an pe a. Heng \anpuina hi MJA President, Pu Vanlalrema Vantawl-in Aizawl Civil Hospital Deputy Medical Superintendent, Dr. John Zohmingthanga hnenah a hlan a ni. MJA hian kum 2012 a\ang khan kum tin, Krismas dawnah Charity Fund hi an thawh khawm \hin a, kuminah pawh Charity Fund hi Rs. 1,06,365 an hmu a, heta \ang hian Guwahati Mizo Welfare hnenah Rs. 30,000, Vellore leh Mumbai-a Mizo Welfare hnenah Rs. 20,000 ve ve an hlan bawk a ni. MJA-in Charity Fund a thawh khawmah hian MJA member-te bakah Journalist ni lo mi engemawzatin sum hi an thawh a ni.
