MNF General Secretary leh MLA ni bawk, Pu Lalruatkima’n kumin Assembly inthlannaa thuneihna an chan chuan sorkar inrelbawlna \ha, rintlak, langtlang leh mawhphurhna la ngam an din dawn niin a sawi.

0
480
views

 

He thu hi vawiina Aizawl Press Club-a thuthar thehdarhtute a kawmnaah sawiin Pu Lalruatkima chuan, Congress sorkar chu thil hawn tur a awma an hmalakna nia sawi \hin, lei chim, kawngchhia leh eirawngbawlna Gas lama harsatna a awm a, hmaihup sana sorkar Officer te leh Gas Agent te mawhpuh zelah a puh a, MNF-in thuneihna a chan chuan hetiang hian an ti ve dawn lo nia sawiin eirukna chhuitu tur Lok Ayukta pawh an din dawn niin a sawi a ni.

Pu Lalruatkima chuan Congress sorkarin zu a zawrh avangin khawtlang nun a chhe mek a, hmeithai leh fahrah baka HIV/AIDS vei an pung niin a sawi a, MNF a sorkar chuan zu leh ruihhlo ngaite chhanchhuahna tur Rehabilitation Centre leh changtlung tak an siam dawn niin a sawi. Pu Lalruatkima chuan, Congress sorkar hotute leh hnamdang Contractor-te chu sam inpiar zawmah puhin hemi avang hian kawng nasa takin a chhiat phah niin a sawi bawk.

Pu Lalruatkima chuan MNF thuneihna a chan chuan Aizawl khawpui a\angin Assam Rifles an sawn chhuah tur thu te, eirawngbawlna Gas mipuiten hnianghnar zawka an dawn theih nan LPG Bottling Plant leh POL Depot lian zawk din an tum thu te, Ration chini an sem leh dawn thu leh Mizoram Urban Areas Rent Control Act 1974 tihpuitlin an tum thu sawiin heng bakah hian SEDP leh manifesto-a an tarlan hmalakna turte chu an kalpui dawn niin a sawi bawk.