MNF General Secretary, Pu Lalruatkima MLA-in Congress chu District chungchang sawi ve ngam tur an ni lo niin a sawi. He thu hi vawiina Dinthar YMA Hall-a MLA Local Development Fund hmanga puan\huikhawl a semnaah a sawi a ni.

0
242
views

 

District ramri chungchanga Congress Legislature Party Treasurer, Pu Zodintluanga thusawi chungchang chhangin Pu Lalruatkima chuan Cabinet meeting-ah pawh District pek duh lamah Pu Zodintluanga chu a \ang nia sawiin, tuna hemi chungchang a sawi nawi leh si chu ngaihdan mumal a neih loh vang niin a sawi.

Pu Lalruatkima chuan Congress sorkarin zu zawrh phalna a pek vangin mipuiin harsatna an tawk niin a sawi a, kumina Assembly inthlana thuneihna an chan chuan zu permit pek chhuah chu tihtawp an tum dawn niin a sawi a ni.

Pu Lalruatkima chuan Assembly inthlanna neih tura Congress-in an party candidate tur a puan hunah Congress party chu nasa takin an buai dawn niin a sawi a, ZPM pawh bial 40-ah an in sethlum dawn niin a sawi a, tun thlengin ZPM-a pawl hrang hrang inkarah lungrualna a awm lo nia sawiin, symbol tur pawh an la nei thei niin a sawi a ni.

He inkhawm hi Aizawl West II Block MNF President Pu R Thanglura’n a kaihruai a ni.