MNF General Secretary Pu Lalruatkima MLA in Congress sorkar chu Health Deptt. sum siamna atana hmangah a puh.

0
230
views

 

He thu hi vawiin a Hnam Run inkhawmah sawiin Pu Lalruatkima chuan, Nausen thi a tlem theih na atana hmalak nan IMR sum hmangin kum 2014 khan motor lian 5 Health Deptt. in an lei niin a sawi a, National Health Mission a\angin Civil Hospital Aizawl in Blood Collection & Transportation chu nikum November ni 20 khan a tithleng bawk nia sawiin heng lirthei lei thar te hian MV Act-in a phut ang a neih theih loh avangin vawiinni thlengin Registration tih fel lohin ala awm niin a sawi. Pu Lalruatkima chuan, motor manto taka lei Registration tih theih loh a awm chu khawiah nge a awm tih chu an zawh na a nih thu sawiin thil awm dan sawifiah thuai turin sorkar an phut thu a sawi. Pu Lalruatkima chuan, Sorkar damdawiin a dam lo awm ten syringe leh lapua thlengin an lei a ngai niin a sawi a, thisen pawh lei ngai a ni ta chu mipui tan harsatna namen lo thlentu nia sawiin pawi a tih thu a sawi a, Health Deptt. chu sorkar in sum siamna hmanruah atan a hmang ni ngei a an ngaih thu sawiin kumin Assembly inthlan a thuneihna an chan chuan, Doctor leh nurse indaihlohna awm te chu awmze neia siamrem an tum thu leh thisen lei ngai nia a sawi pawh tihtawp a nih tur thu a sawi. MIMER chungchang sawiin Pu Lalruatkima chuan, MIMER din a nih theih nan MNF in sulhnu tam tak a hnutchhiah niin a sawi a, infrastructure zawng zawng pawh MNF hun laia din deuh vek nia sawiin Congress sorkar chuan Gate lian tak an siam bak MIMER atan Bulding 10 pawh an sa lo niin a sawi a, Pu Lalruatkima MLA chuan, “MIMER din a nih theih nan Sorkar laipuiin cheng Vaibelchhe 138.18 Mizoram sorkar a pek bakah NEDP a\angin vaibelchhe 20 dah a ni bawk niin a sawi a, hetihlai hian MNF in MIMER atana pawisa a hmuh chu cheng vaibelchhe 40 chauh nia sawiin Congress sorkar sum hmuh nena khaikhinin MNF in hna a thawk nasa zawk niin a sawi. Inkhawm hi an pawl PAC member Pu Lalthlengliana’n a kaihruai a ni.