MNF-in independent a sual laia Pang fate zinga ram tana nun hlantute hriatrengna lungphun Pang Zirlaiten Va\huampuia an siam chu Home Minister, Pu Lalchamliana’n nimin khan a hawng. Home Minister hian Martar chhungte a ral nghal bawk a ni.

0
256
views

Hawnna inkhawma thu sawiin Pu Lalchamliana chuan zalenna sual vanga nunna chan zawng zawngte chu martar an ni tih chu tuna sorkarna chelhtu MNF Party pawm dan niin a sawi a, anmahni zawng chhuaka, hriatrengna lung phunna chang an hria chu fakin sorkarin heng mite hi a ngaihlu a, inthlan dawna an party manifesto-a an lo telh tawh angin hnam pasal\ha leh martar chhungte ham\hat nan sorkarin special scheme a siam dawn a, martar te hming 1,564 chuanna Luangmuala Martarte Thlanmual pawh \ha zawka siam tum niin a sawi a ni.

Pu Lalchamliana chuan Zohnahthlak zawng zawng rorel khawl pakhat hnuaia mahni ro inrela an awm theih nan tharum tel lovin hma an la chhunzawm zel dawn niin a sawi bawk. Va\huampui leh a chhehvela Sipai an lut chu chiai phah nana hmang lo turin mipuite a fuih a, anmahni venghim tura awm an ni tih hre tur leh tun hi rambuai lai ang a nih tawh loh avangin harsatna an tawk a nih pawhin \anpui vat tu tur sorkar a awm tih hre turin a chah a ni. He lungphun hawnna hi Pang Zirlai Pawl President, Pu James C. William-a’n a kaihruai a ni. Home Minister hi
DIG (CID) Pu Neihchungnunga, sorkar officer dang, MNF General Headquarters-a mi \henkhat leh Ex-MLA leh hruaituten an \awiawm a ni.