MNF in Serchhip biala an candidate tur an puang chiang ta a, CM nilai leh nih tumte inkhinna tur anih avangin Serchhip bial hi bial ngaihnawm tur zinga ngaih a ni.

0
253
views

 

Serchhip biala MNF ticket-a ding turin he biala tum 3 lo ding tawh, Pu C Lalramzauva ruat a nih thu MNF President Pu Zoramthanga’n vawiin khan Serchhip-a vantlang inkhawmah a puang chiang ta a ni. Sr Advocate Pu C Lalramzauva hi Serchhip bialah hian kum 2003 leh 2008 ah te ZNP ticket in a lo ding tawh a, kum 2013 ah MNF ticket-a ding lehin tum \hum a lo tling zo tawh lo a, hetihlai hian bial vawngtu nilai, Chief Minister Pu Lal Thanhawla chu Serchhip bialah hian ding nawn leh tura ngaih a ni a, }angrual pawl ZPM Chief Minister candidate Pu Lalduhoma pawhin Serchhip biala a din tur thu hi a lo puang chian tawh bakah PRISM President Pu Vanlalruata pawh he bialah hian din a tum nia sawi a ni a, Serchhip bial hi bial ngaihnawm berte zinga mi ni tura ngaih a ni.

Serchhip biala an party candidate tur puan paha thu sawiin MNF President Pu Zoramthanga chuan MPCC President chuan Central lama an hotute tih dan lachhawngin inthlahchhawng rorelna Congress Party-ah lakluh a tum niin a sawi a, hei hian Congress Party chu a lengdarh mek nia sawiin, Congress chakna thahrui ber an Vice President Pu R Lalzirliana chu party a\angin an ban ta hial a ni a ti a, congress party chu an mahni leh mahni an inbei chhe vek tawh niin a sawi. Inkhawm hi Serchhip East Block MNF President T Zadingliana’n a kaihruai a, Candidate tur Pu C Lalramzauva leh MNF Hqrs Adviser Pu Robert Romawia Royte ten thu an sawi bawk.