MNF in thuneihna a chan chuan tual chhung inrelbawlna tih chakna tur ‘The Mizoram Local Govt. Act. 2019’ pass dawn tih MNF President Dr R Lalthangliana’n sawi

0
364
views

Kumin Assembly inthlanpuiah MNF in thuneihna a chan chuan tual chhung inrelbawlna tih chakna tur ‘The Mizoram Local Govt. Act. 2019’ pass a nih tur thu MNF Vice President Dr R Lalthangliana’n a sawi. Sihfa Community Hall-a an party policy SEDP kalphung zirhonaah he thu hi a sawi a, an party in thuneihna an chan chuan thingtlang mite thuneihna sang zawk pek an nih tur thu sawiin, hemi ti puitling tur hian ‘The Mizoram Local Government Act, 2019’ chu Assembly thutkhawm hmasa bera pass turin an ruahman fel tawh niin a sawi a, he dan hman a nih hunah chuan Minister leh MLA ten an duh ang anga tualchhung inrelbawlna an pal thin chu a bo tawh dawn niin a sawi. Dr. R Lalthangliana chuan, mi thenkhatin SEDP leh NLUP chu thil thuhmun anga an sawi thin chu thu dik lo niin a sawi bawk a, SEDP chu mipui leh ram tan a chhenfakawm zawk dawn nia sawiin, a thil tum pawh a hrang hlak niin a sawi. Inkhawm hi Chalfilh MNF East Block President Pu Thangzamliana’n a kaihruai a, Zoram Decentralization Front (ZDF) President Pu Lawmthanga pawhin thu a sawi a ni.