MNF in tukin khan Aizawl khawpui hmun hrang hrangah Campaign beihpui an thlak a, Minister leh MLA ten thu an sawi a ni.

0
261
views

Tennis Court bul leh Khatla kawna thusawitu an pawl Vice President, Health Minister Dr. R. Lalthangliana chuan, Congress leh ZPM in mipui Candidate nia an sawi chu thubelhchian dawn lo a ni, a ti a, mipui Candidate anga sawi a nih dawn chuan Zoram mipuiin hneh taka Sorkarna an pek MNF-in MP Candidate atana an thehchhuah Pu C Lalrosanga chu mipui candidate tia sawi tur a ni zawk a nih thu a sawi. Dr R Lalthangliana chuan, thuneihna an chan hmasak a amah chu Inforamation Minister a nih laiin phai lama Mizo mithiam awm Mizorama lakchhuah tur an zawn \umin tuna an party candidate Pu C Lalrosanga chu Mizorama hnathawk tura an lakchhuah ngat a nih thu a sawi a, Hindi leh sap\awng thiam tak a hna avanga MP-te lo buaipui tawh \hin leh Parliamnet pawh lo tlawh fo tawh a nih thu sawin MP nih a tlin hle dawn a ni, a ti.

Durtlang leh Bawngkawn a thusawitu P&E Minister Pu R Lalzirliana chuan, Sorkarin Road Tax lak danthar a siam avang leh kawngpui chhe tawh tak a siam \hat avangin lirthei neitute leh mipui ten MNF Canidate chu an vote ngei a beisei tih a sawi a, inthlan a hnai tial tial a, an party MP candidate boruak a lian zel a ni, a ti.

Education Minister Pu Lalchhandama Ralte pawhin Zemawbawkah thusawiin, Mizoram mipuiten an rawngbawl tura an thlan chhuah leh thuneihna an pek hlim hlawlte nen inkawprem tur thlan nachang an hriat a \ul tih a sawi a, an party Candidate chu Delhi tlanga Sorkar project pawimawhte lo umzui leh Parliament-a Kristiante thlavang hauh a \ul hun pawha huaisen taka ding ngam tur a nih thu a sawi.