MNF in zalenna a sual laia sipaiin an kahhlum, ramhnuaia phum Supply Inspector Zairemthanga ruhro chu vawiin khan MNF party office Hnam Run thlenpui a ni a, MNF party hotu leh Hnam Sipai la dam leh party mipuiten an lo dawngsawng.

Hemi puala inkhawm buatsaihah MNF Vice President Pu R Tlanghmingthanga chuan, Martar chhungkuate, ram leh hnam tana an nunna thapa inpe leh tuna nung dama la awm zawng zawngte chhawmdawlna tur sum Sorkarin a dah dawn tih a sawi. Inkhawm hi Ex-MNA Vice President Pu C.Zama’n a kaihruai a, Pu Zairemthanga kuang chungah MNF party hruatuten pangpar an dah bakah a sun nan ngawi rengin minute 1 chhung an ding a ni.