MNF MLA Pu Lalruatkima’n MIMER hawn tak chu MNF sorkar kutchhuak ang hialah a chhuah nia sawiin, thil hre chiang loah Congress Party in an puh.

0
477
views

 

Congress party thuchhuah chuan Pu Lalruatkima’n building an sak nia a sawi te chu State Referral Hospital, Falkawn tan a nih an rin thu sawiin, State Referral Hospital leh MIMER chuan inzawmna thui tak nei mah se thil hrang ve ve a ni an ti a, State Referral Hospital sakna turin Congress sorkar hmasain Central sorkar atangin cheng vaibelchhe 40 chuang a dil chhuak nia sawiin, hemi hmang hian MNF sorkar chuan kum 1999 atangin hna an thawk a, hospital ber ngai pawimawh hmasa lova thawktute awmna tur ningnel taka an sak hmasak vangin damdawiin ber sak chhunzawmna tur chu Central sorkarin a pe duh ta lo niin an sawi a, State Referral Hospital khum 500 awm theihna tura Congress sorkarin a duan chu khum 50 awmna turah MNF sorkar chuan a chhuah thei hram nia sawiin, sak chhunzawm ngaihna a hriat loh avangin damdawiin chu chhunzawm thei tura a ngaih, Kohhrante a hnawn hial niin an sawi.