MNF Party chuan November thlaa Mizoram Assembly inthlanna neih huna MNF party thlantlin a nih chuan corruption do nan Vigilance Commission, Lok Ayukta tia hriat bawk din an tum.

0
247
views

He thu hi an Party Election Manifesto tih chhuah takah tarlan a ni a, a hnathawh dan langtlang thei sorkar dinin Aizawl Municipal Council leh Local Council-te tih changtlun a ni anga, ram danpuiin a phal angin Autonomous District Council nei ve lo District-te enkawl nan District Development Council dan siam a ni dawn a ni. Transport Department-in lirthei chhiah a lak dante, State Transport Authority hnuaia motor hlui thlak dante ennawn an tum dawn bawk a ni. Political lam thilah chuan Indigenous Peoples Rights UN-in kum 2007 September ni 13-a a lo puan tawh angin Zohnahthlak luah chin ram \hendarha awm rorel khawl khat hnuaia dah a nih theih nan hma lakte, Mizo Sakhua, Hnam dan, \awng leh nunphung vawng him turte, kum 1986 a sorkar laipui leh MNF inremna thuthlung lo siam tawh avanga Mizorama remna leh muanna awm vawnghim tur leh inremna thuthlunga tihpuitlin loh la awmte tipuitling tura bawhzuite, Mizoram ri venhim leh Mizoram puma khaw hrang hranga mihring chengte chhinchhiahna, Citizens Registration siam te, Inremna thuthlung anga Mizoram chhunga hnam tlem zawkte dikna leh chanvo humhalh sakte chu an thlil tum zingah a tel bawk. Ei leh bar lama intodelh nan Socio-Economic-Development Programme an duan a\angin kuthnathawktute \anpuite, thlaithar sawngbawlte, thilsiamna lam beittute \anpuite chu an thil tum a ni bawka, Hmasawnna atan hmasawnna ruhrel pawimawh dina, Zoram chhim leh hmar lam leh Chhak leh thlang lamah inkalpawhna kawng \ha tawk siamte, kawlphetha tam tawk siam chhuahte an tum a, Mizoram sorkarin khuahkhirh chunga zu zawrh phalna, Mizoram Liqour Prohibition and Control Act -2014 a hman mek chu ennawna, zu zawrh phalna pek chhuah tih tawp an tum thute, ruihhlo ngaite enkawlna Centre thar din belh an tum thute an Manifesto-ah chuan an telh a ni.