Exodus Day hi December ni 16, 1971-a East Pakistan a tlawm a, Hnam Sipaite Arakan lam pana an inthiar chhuah dawna Pathianin a humhim ni hriatreng nan MNF Party hian kum tin an hmang \hin a, December ni 16 hi Pathianni ah a tlak avangin vawiin khan an hmang a ni. Thuchah sawitu, Party President, Chief Minister thar Pu Zoramthanga chuan ‘Pathian leh kan ram tan’ tih thutlung vawngtu an nih avangin chu chu Pathianin an felnaah a ruatsak a, an party chuan beihna tam tak hmachhawn \hin mahse, a paltlang thei zel a ni a ti.
Vice President Pu R Tlanghmingthanga pawhin thusawiin, Zoram mipuite’n an beisei leh an hmuh duh chu thil inthlakthleng a ni a, MNF sorkar thara laka mipuite beisei pawh a nih avangin thil inthlakthleng chu mipuite hmuhtir ngei an tum tih a sawi. Pu R Tlanghmingthanga chuan MNF dinchhan chu Mizo Nationalism par tir a, rah duhawm chhuahtir a ni a ti bawk.
Inkhawm hi Deputy Chief Minister, MNF Sr Vice President ni bawk Pu Tawnluia’n a kaihruai a, Mizo Hnam Run hi kumthar January ni 7-ah hawn leh a ni ang.
