MNF party President, Chief Minister Pu Zoramthanga’n an party chu eptu pawlten beihna tur dang an hriat loh avangin BJP thawhpuiah an puh tih a sawi.

0
543
views

He thu hi vawiina Aizawl West I bial Bye Election campaign hawnna inkhawmah a sawi a, Pu Zoramthanga chuan, Aizawl West I bial Bye Election leh Lok Sabha inthlan turah an party Candidate-te chu an \ha hle tih sawiin, eptu pawlten beihna tur an hriat loh avangin an party chu Citizenship Amendment Bill 2016 chungchangah leh BJP nena thawh dunna thuah an bei ta niin a sawi. NDA leh NEDA a tela an puhna chungchang chu chhangin Pu Zoramthanga chuan, MNF, ZNP, MPC, BJP leh Mara Democratic Front President \heuhten Congress an duh loh avangin NEDA an zawmna lehkha an ziak \heuh niin a sawi a, he pawl a\anga an in hnukdawk tih Pu Lalduhoma’n Assembly House-a a sawi chu an hriat vawi khatna a nih thu a sawi a, NDA an zawmna an thehlut nawn leh tho nia sawiin, MNF aiin an hnaih zawk hle a ni a ti a, Pu Lalduhoma chuan AMC ah BJP a thawhpui a, Congress pawhin CADC ah sorkar an siampui bawk a, BJP thawhpuitu chu ZPM leh Congress an ni a ti.

Pu Zoramthanga chuan, Zu zawrh chu Congress tur hlauhawm nia sawiin zu avangin Police 500 chuang an thi a, Civil mi 5000 a\anga 7000 inkar vel an thi bawk niin a sawi a, Pu Lalduhoma chu fahrah leh hmeithai siamna khawl buntu thawhpuiah a puh bawk.
He Biala MNF Candidate Pu Pu Zothantluanga pawhin thusawiin Aizawl West-I mipuiten MLA General Election-ah duh an thlang sual tawh nia sawiin, bial hmasawnna tura amah thlang tling turin mipuite a sawm a ni.

Inkhawm hi Aizawl West I MNF Block President Pu H.Lalramliana’n a kaihruai a, Sports Minister Pu Robert Romawia Royte in thu a sawi bawk.