MNF party President Pu Zoramthanga’n Congress leh party dangin MNF boruak sang zel beihna tur an hriat loh avangin BJP nen sawi zawm phet tumin theihtawpin \an an la niin a sawi.

0
287
views

 

He thu hi vawiina an party office Mizo Hnam Runah a sawi a, Congress leh BJP chu Governor nemngheh thlapa CADC a tun thlenga la thawkdun zawk an ni a ti a, MPCC President leh Chief Minister Pu Lal Thanhawla’n CADC a BJP nen an thawhhona an chhu chat tawh niin sawi mahse tunthlengin CADC sorkarah an la thawkho reng tho niin a sawi.

Inthlan zawh hnua sorkar siam tura thawhho chungchang sawiin Pu Zoramthanga chuan tumah thawhpui ngai lo turin sorkarna siam theihna khawp MLA an nei dawn niin a sawi.

Pu Zoramthanga hian inthlana thuneihna an chan chuan, Zu zawrh an khap bur dawn tih a sawi a, school kai hun pawh a hma anga kalpui an tum thu te, zu leh drugs a buai te enkawlna hmun tur changtlung tak siam an tum thu te, mipui te sum lakluh a pun theih nan SEDP an kalpui tur thu te, kum 15 atana lirthei chhiah lak lawk chu an ennawn tur thu te, Taxi permit pek dan ennawn an tum thu te a sawi a, Congress hnuaiah Sorkar hnathawk te dinhmun a chhe lutuk nia sawiin an siam \ha dawn niin a sawi bawk. Inkhawm hi an pawl PAC Member Pu F.Lalthlamuana’n a kaihruai a, an party zawmthar te Pu Zoramthanga hian a lawmlut nghal bawk.