MNF Party Treasurer, Pu Vanlalzawma MLA-in Tuivawl biala an party ticket-a ding turin Pu Lalchhandama Ralte ruat a nih thu a puang.

0
287
views

 

Vawiina Darlawn bazara MNF Campaign hawnna inkhawmah thusawiin Pu Vanlalzawma chuan an party ticket-a bial hrang hranga ding tur an ruatfel tawh nia sawiin an zingah \halai thiamna sang tak nei tam tak an awm niin a sawi a, inthlanna lo awm tura mipuiin ko thlakin MNF sorkar siam turin an thlang dawn niin a sawi a ni. Pu Vanlalzawma chuan inthlana thuneihna an chan chuan Tuivawl bialah hmasawnna nasa takin an thlen dawn niin a sawi a, \halai hnathawh tur ngaihpawimawh leh eizawnna ngelnghet Mizoram mipuite neih tir an tum niin a sawi bawk.

He inkhawmah hian Tuivawl biala ding tura puan tak Pu Lalchhandama Ralte pawhin thusawiin an hotuten Tuivawl biala ding tura an ruatna chu lawm takin a pawm tih a sawi a, mi \henkhatin tlangdung mi ni lo tia an sawi chungchang chu chhangin Pu Lalchhandama Ralte chuan khaw bil emaw ‘ka khua’ tih tur emaw nei lo mah se Tuivawl biala khaw hrang hrang 24-te chu duhsak bik nei lova ka khua a tih theih tur vek a nih thu leh mipuite pawh ang khat veka a en thu a sawi a ni.

Inkhawm hi Tuivawl South Block MNF President, Pu Lalsawmliana Sailovin a kaihruai a ni.