MNF President Pu Zoramthanga’n an khingpui ten MNF an sorkar an rin avangin BJP nen thawkho lo tih hre reng chungin thawkho angin an puh lui \alh niin a sawi.

0
284
views

 

Vawiina Hnam Run inkhawmah thu sawiin Pu Zoramthanga chuan, Pathian leh kan ram tan tih leh Hindutva chu kalkawp thei a ni loh thu a sawi a, an party High Command pawhin thawhpui nei lova mal din tur tia a rel angin bial zawng zawngah Candidate an dah tih a sawi. Pu Zoramthanga chuan, BJP nena thawkdun tlat chu Congress an ni a ti a, CADC a an thawhhona pawh phat tum \hin mah se tun thlengin an la thawkho niin a sawi.

Pu Zoramthanga chuan kum 2014 MP thlan zawh khan Parliament lama Congress kaihruai UPA nena thawhho ai chuan BJP kaihhruai NDA chu Mizoram a Regional Party ten an thlawp ta zawk niin a sawi a, hetah hian MNF, ZNP, MPC leh MDF te pawh an tel vek tih sawiin party President \heuhin an hming an ziah hnan vek a ni a ti a, BJP thawhpui anga in kawk tur bik an awm lo niin a sawi.

Tuichawng biala Candidate chungchang sawiin Pu Zoramthanga chuan, Joint NGO te ngena angin Party dangin he biala Candidate an dah dawn loh chuan dah loh an remti niin a sawi a, hetihlai hian Congress leh BJP ten Candidate an dah tak si avangin Candidate an dah ve ta niin a sawi bawk. Inkhawm hi an pawl Core Committee member Pu K Vanlalauva’n a kaihruai a ni.