MNF President Pu Zoramthanga’n Chief Minister, Pu Lal Thanhawla chu mahni ram dinhmun pawh hrechiang lovah a puh.

0
328
views

 

He thu hi vawiina Serlui Joint Block MNF Campaign bul\anna inkhawm Vairengtea neihah sawiin Pu Zoramthanga chuan, Congress sorkar chu hnamdang contractor leh supplier te uchuak taka duhsakah a puh a, hemi avang hian inkalpawhna kawngpui a chhia a, Mizoram pumah \ha lai a awm meuh lo niin a sawi a, Chief Minister berin kawngpui chhe dinhmun a haider avangin mipuiten harsatna an tawk niin a sawi a ni.

Pu Zoramthanga chuan Serlui bial chu State dang ramri hrula awm leh Mizoram ch^k lakna pawimawh tak a nih avangin enkawl \hat ngai niin a sawi a, Mizoram chhimlama ramdang nena insumdawntawnna hmunpui tur buatsaih mek chu zawh fel a nih hun chuan hnamdangin bungrua Mizoram atangin an ch^wkluh a ngai ve tawh thung dawn nia sawiin, Serlui biala mipuite dinhmun chu a pawimawh hle tawh dawn niin a sawi a ni.

He inkhawmah hian Serlui biala MNF ticket-a ding tur, Pu Lalrinsanga Ralte pawhin thusawiin kumin Assembly inthlana thlantlin a nih chuan bial mipuite innghah ngamna leh mitin biak pawh theih nih a tum thu a sawi a ni.

Inkhawm hi Serlui North Block MNF President, Pu B. Lalnuntluanga’n a kaihruai a ni.