MNF President Pu Zoramthanga’n Congress chhungkua chu nasa takin an buai mek niin a sawi.

0
274
views

He thu hi vawiin a Sihphir Group MNF Conference a hmanpuinaah a sawi a. Pu Zoramthanga chuan, Congress chu inphuarkhawm leh pawh nise awmze neiin an awm thei tawh dawn lo niin a sawi a, an buaina chu MNF beih vang ni lovin Pathian pawi an sawi vangah puhin, an zu zawrh Kohhran \awngtai chhanna-a an sawi te chu an buai chhan pakhat a ni a ti a, Congress chu central lamah an chhiat vek tawh avangin kumin Assembly inthlanah pawh ramchhung hmun dang inthlan ang bawkin mipuiin an hnawl dawn niin a sawi.

ZPM pawh beiin Pu Zoramthanga chuan, MLA pakhat an neih mek MPC MLA chu candidate atan dah nawn an tum lo a, an tlem tawh nak alaiin an la lungrual lo hle a, an tlem hlaihkhuh nan hming ropui tak tak – Chief Ministerial Candidate, Secretary General tih leh nihna hming ropui tak tak an invuah a ni a ti.

Aizawl East-I biala a din tur thu ti chiang tawh MNF President Pu Zoramthanga hian East I bialin hmasawnna tur tam tak a neih te tihlawhtling a, dinhmun sang taka hlangkai tura hnathawh a chak tawh hle niin a sawi.

Inkhawm hi Sihphir Group MNF President Pu Lalzarliana’n a kaihruai a, an pawl General Hqrs. Adviser Dr ZR Thiamsanga, AMC Councillor Pu Laltlanzova khiangte leh hruaitu dang ten an hmanpui bawk.