MNF President Pu Zoramthanga’n Congress chu mipui leh Kohhran pawh zah zo tawh loah puhin mahni tanghma haia phe suau suauah a puh.

0
208
views

 

Vawiina Lawipu a an party Political Training buatsaih ah thu sawiin Pu Zoramthanga chuan, Pathianin kum 10 Congress ro a rel tir chhan chu an nih na dik tak mipui ten an hmuh theih nan a ni a ti a, Kohhran leh mipui duh loh zu zuarah puhin, Pathian thu sawi tui nan a \ha ti hialin an fak niin a sawi a, Pathian pawh an hlau tawh lo niin a sawi. Pu Zoramthanga chuan, Congress chu sorkar leh tur khawsakin an khawsa tawh lo niin a sawi a, hun tlemte an neih chu tlin leh tuma bei lovin an mahni ham haina atan an hmang mek niin a sawi. Pu Zoramthanga hian an party zawm thar mi engemawzat a lawmlut nghal bawk.

Bialtu MLA Pu Vanlalzawma pawhin thusawiin Australia-a Mizo tlangval pakhatin internet a\anga Election Commission hnena complaint a thehluh avangin minister of state, Chief Minister dawttua ngaihin a tlak phah a, Kolkata-a Mizo zirlai pakhatin press conference-a a thupuan zar avangin Minister leh MLA te an nihna a\angin an bang a. Mipuite sawi luai luai Zo-Carbon chungchang pawh CYMA lam hai chhuah a ni a, heng bak thil danga sorkar mualphona te chu MNF tih ni lovin mipui a\anga chhuak vek a ni a ti a, Congress sorkar chuan vanneihna a keng tel tawh lo niin a sawi.

Inkhawm hi Lawipui MNF unit President Pu Suakthangpuia’n a kaihruai a ni.