MNF President Pu Zoramthanga’n Congress hotu pahnihin MNF an zawm ta chuan congress party a keh chhiat phah nasa hle niin a sawi.

0
373
views

 

Aizawl South I Block MNF Conference, vawiina Bethlehem vengthlanga neihah thu sawiin Pu Zoramthanga chuan MNF Sorkar tur boruakin Mizoram a tuam mek niin a sawi a, party \henkhat hotu an MNF zawm ta te chu an sawm vang ni bawk mah se an thinlungah MNF zawm duhna a awm ve hrim hrim niin a sawi a, MPCC Vice President hlui Pu R Lalzirliana leh Minister hlui Pu Lalrinliana Sailo ten MNF an zawm chu Congress party in a kehchhiat phah nasa hle a ni a ti a, an hotu dang leh an party mipuite pawhin congress chhuahsanin MNF an zawm mek niin a sawi.

Pu Zoramthanga chuan Congress chu Sorkar leh an inring tawh lo nia sawiin, an sorkar leh tur thu an hmai chhanah hrilh mah se anmahni pawhin an awih tawh lo niin a sawi a, kum 2008 kum tawpa Congress sorkar lo piangin kihhnawk tih ringawt chhuanlamin hmasawnna hna thawk hman lovin sorkar hmasa sawisel ringawtin hun an hmang ral niin a sawi a, term hnihnaah chuan kihhnawk ringawt sawi a rem tawh si loh avangin, zu te zuarin in sawi mamna tur an dap ta niin a sawi. Pu Zoramthanga chuan Congress sorkar chu Kohhran hruaitute elsenah a puh a, state \henawmte nuihzat khawpin Mizormah kawng a chhia niin a sawi.

Kum 10 eptu lama an awm chhungin, thuneihna an chan laia an thil tih dik loh leh fuh tawk lo te siam\hain, thuneihna an chan leh hun atan an inbuatsaih niin Pu Zoramthanga chuan a sawi a, an sorkar tuk a\anga hmalakna tur ruangam an nei sa vek tawh niin a sawi bawk.

CADC area a Candidate dah chungchang sawiin Pu Zoramthanga chuan NGO Co Ordination in dah lo tura an ngenna chu a chhang hmasa zinga mi an nih thu leh party dangin an dah dawn loh chuan dah loh an remtih thu leh Party dangin an dah erawh chuan an dah ve tur thu a sawi.

Inkhawm hi Aizawl South I Block MNF President Pu HT Para’n a kaihruai a, he biala MNF ticket a ding tur Pu K Liantlinga’n thu a sawi bakah an party zawmthar mi engemawzat Pu Zoramthanga’n a lawmlut nghal bawk.