MNF President Pu Zoramthanga’n Congress party in chunglam programme tia an sawi chu zu zawrh niin a sawi.

0
408
views

 

Zemabawk Group MNF Conference Zemabawk YMA Hall a neihah he thu hi a sawi a, Congress party in zu a zawrh avangin chhungkaw tam takin an tuar nia sawiin, \halai leh Police tam tak an thih phah niin a sawi. Kumin Assembly inthlan ah thuneihna an chan chuan zu zawrh chu an ti tawp dawn tih sawiin zu vanga lungngaia kun mek te chu an chhanchhuak dawn niin a sawi.

Chief Minister hlui Pu Zoramthanga chuan, an party in a duan SEDP chu NLUP nen a in ang lo a, NLUP ah chuan dinchhuahpui tham loh sum tlem te an sem laiin SEDP hnuaiah chuan cheng nuai 3 aia tlem lovin miretheite puih an ni ang a ti. Congress party chu an Vice President chhuah ngai hial khawpin an mahni leh mahni an indo niin a sawi a, MNF party chu sorkar na chang turin Pathianin a bautsaih mek niin a sawi. Pu Zoramthanga hian an party zawmtharte a lawmlut a. Inkhawm hi Zemabawk Group MNF Vice President Pu Vanlalchhuanga’n a kaihruai a, MNF Adviser Pu Robert Romawia Royte te leh an party hruaitu dangten thu an sawi bawk.