Vawiin-a Lunglei Mizo Hnam Run inkhawmah he thu hi sawiin, Pu Zoramthanga chuan, an sorkar chu a tirah Krismas leh kumthar vuak vetin a nang chho nghal a, hna an thawh tak tak chin chu January ni 10 hnu lam a\ang chauhin a ni a ti a. Rei loteah MP inthlanna neih tur puan zui a nih avangin Model Code of Conduct in a phuar leh nghal tih a sawi a. Hna thawhna hun tlemte an neiha an hnathawh leh Congress sorkar kum 10 hnathawh chu mipui zingah khaikhin thama ngai an awm nual a ni a ti.
Pu Zoramthanga chuan, tuna MNF MP Candidate Pu C. Lalrosanga chu Mizoramin MP candidate a la neih ngai loh mi bik a ni a ti a, Mizoram leh hmarchhak pawhin amah ang an la neih ngai loh DDK-a Director General ni pha, North East pumpui pawh lo enkawl tawh a ni, a ti a. Pathian \ih mi, mipuite \awngtai chhanna nia a ngaih thua sawi.
Pu Zoramthanga chuan an khingpui candidate chu MPC nge, ZNP nge, Congress candidate nge tih hriat a ni lo a ti a, Mipui rawn lova mipui candidate an vuah chu mipui zah lohna leh tham lohna a ni, a ti. Lunglei Mizo Hnam Run inkhawm hi HPC Vice Chairman, Lunglei Sub-Hqrs. MNF President nibawk Pu Lawmawma Tochhawng in a kaihruai a ni.
