MNF President Pu Zoramthanga’n kumin Assembly inthlana thuneihna an chan chuan thuneihna an chan laia Dist. thar an lo puan tawhte chu an tipuitling vek dawn niin a sawi.

0
526
views

Serchhip East Block MNF Political Training Serchhip Chhimvenga neih hmanpuiin he thu hi a sawi a, thuneihna an chan laia District-a an puan Saitual, Khawzawl leh Hnahthial te chu Congress sorkarin an tipuitling ve duh lo niin a sawi a, hetihlai hian Congress in District a puan 5 te chu sum harsa tak chungin MNF sorkar chuan a tipuitling vek niin a sawi. Pu Zoramthanga chuan MNF in thuneihna a chan tirh khan Congress sorkarin sum harsatna nemen lo a tawh chu an nam nung leh nia sawin sum harsa tak chungin hma an la chho niin a sawi bawk.

Pu Lalruatkima MLA pawhin thusawiin Congress chu Party induhsak theihna tura MPSC thuneihna pawngsualah a puh a, ASI(Ministerial) hna lak tur, kumin June ni 6-8, a Physical Efficiency Test neih zawh vek tawh leh PET a tlingte main exam tura an inbuatsaih mek laiin tun thla ni 9 khan kohna thar an siam leh thut niin a sawi a, September ni 6 a PET nei \ha leh turin ruahmanna thar an siam leh chu thil mak tak niin a sawi. Inkhawm hi Serchhip East Block MNF President Pu T Zadingliana’n a kaihruai a ni.