MNF President, Pu Zoramthanga’n NEDA a an tel avangin BJP nen an thawkho tihna a ni lo niin a sawi.

0
734
views

 

He thu hi nizana Zonet buatsaih Inthlanpui thlirlawkna programme-ah sawiin Pu Zoramthanga chuan Central-a Congress kaihruai UPA hnuaia party hrang hrang an awm angin an party pawh Congress duh lo zinga an tel avangin NDA an thlawp niin a sawi a, hetah hian ZNP leh MPC pawh an tel a an President \heuh ten hming an ziak nia sawiin hmarchhak State hrang hrangah pawh Congress duh lo party-te chu NEDA-ah an awm ho niin sawi.

Pu Zoramthanga chuan kumin Assembly inthlanna leh inthlan zawh hnuah BJP nen thawkho tur anga party \henkhatin an puhna chu chhangin thudik lo niin a sawi a, inthlanna neih hma leh a zawh hnuah pawh BJP chu thawhpui an tum lova, an party High Command pawhin thawhpui lo turin thutlukna a siamfel tawh niin a sawi. Zawhna chhangin Pu Zoramthanga chuan, inthlannaah hel thawhpui emaw, hel pawl zawm emaw an neih loh thu sawiin sorkar laipui leh hel pawl hrang hrangten inremna an neih theihna atan sorkar laipui hotute tirhin hel pawl \henkhatte inkarah palai hna a thawk \hin niin a sawi a ni.

Pu Zoramthanga chuan, MNF sorkarin District pathum Saitual, Hnahthial leh Khawzawl siam tura an lo puan tawh chu tihpuitlin harsa lo niin a sawi a, an sorkar chuan Budget hmasa berah pawisa an dah nghal dawn niin a sawi. Zu zawrh chungchanga zawhna chhangin hei hi sorkar an siam theih chuan an titawp nghal dawn niin a sawi a, SEDP hmanga hmasawnna hna an thawhna tur sum chu Mizoram Budget pawn a\anga haichhuah tur niin a sawi a, kum 2008 leh kum 2013-a MNF Party an chak lohna chhan erawh chu EVM khawih chingpen vangah a puh a, tun inthlanna neih tura EVM hman tur erawh chu khawih chingpen theih loh, rintlak nia sawiin bial lak an beisei zat chu 30 aia tlem lo niin a sawi bawk.