Vawiina Aizawl East II Block MNF workers Meet ah thu sawiin, Pu Zoramthanga hian Congress chu Kohhran leh khawtlang duh loh zu zuarah puhin zirlai leh Sorkar hnathawk an ti lungawi lo niin a sawi a, Development a chawlh\huap bawk avangin mipuiin an hnawl dawn niin a sawi. Pu Zoramthanga chuan, congress chu Sorkar laipui leh State ah sum tam tak hman tur awm chunga Sorkar hnathawk hlawh pawh pe mumal thei lovah a puh a, Armed veng lei che avanga harsatna pawh tunthlengin sorkarin a tih ngaihna hre lovin a en liam tawp nia sawiin Upper Khatla Bible House bul kawng \ha lai pawh an tichhia a, kal kaina tur lei an dawh pawh tun thlengin an zo hlei thei a ni a ti a, sorkarna an siam chuan heng harsatna zawng zawng hi an sukiang vek dawn niin a sawi bawk. Pu Zoramthanga chuan, ZPM chu party pawh ni lovin movement chikhat anga kal an ni a ti a, Assembly inthlanah an vanneih chuan MLA 2 an nei mai thei niin a sawi.
Aizawl East II biala MNF Ticket-a ding tur, Pu Robert Romawia Royte leh tunhnaia MNF zawm ta MPCC Vice President hlui Pu R Lalzirliana leh Mayor Pu PC Lalhmingthanga ten thu an sawi bawk.
