MNF President Pu Zoramthanga’n tangrual pawl ZPM chu mi leh sa nei tawh lo MPC leh ZNP-a innghat an nih avangin an tan sorkar theihna kawng a inhawng lo niin a sawi.

0
423
views

 

Kolasib-a MNF pisa thar vawiin khan hawngin he thu hi a sawi a, ZPM chu party pawh ni lo Forum an ni a, mipui pawh nei lo ZNP leh MPC awm tawh mang loa innghat an nih avangin an tan sorkar siam ngaihna a awm lo niin a sawi.

Pu Zoramthanga chuan, Assembly inthlanna neih turah an party Candidate ruattu tur Nomination Committee January thlaa din chuan a hmawr a bawk fel \ep tawh tih a sawi a, rorellai Congress chuan tunhnaiah nomination committee an din ve chauh nia sawiin, an buai hle niin a sawi. NLUP chungchangah congress sorkar beiin Pu Zoramthanga chuan Pathian lam \ang nia an sawi chu mipui sum hmangin an sem a, hemi avang hian Sorkarin sum harsatna a tawh phah a ni a ti a, hmasawnna hnathawh chawl \huap nia sawiin, hetichung hian NLUP kut phuahchawp hman nan cheng nuai 80 chuang an hmang leh si niin a sawi.

MNF presient chuan SEDP hmangin mipui eizawnna ngelnghet siamsak an tum tih a sawi. Inkhawm hi Kolasib Block MNF President Pu Lalzawmliana’n a kaihruai a ni.