MNF President Pu Zoramthanga’n thuneihna an chan laia thil an tihdik tawk loh leh mipui rilru an tihnatah ngaihdam an dil tih vawiina an party candidate puanna leh an dinchampha lawmna inkhawmah a sawi.

0
259
views

 

Pu Zoramthanga chuan, hnam thinlung nei zawng zawngte chu MNF ah kalkhawm tura sawmin malsawmna ruai chawi hniama fatu ni turin a sawm bawk.

Pu Zoramthanga chuan Congress chu Sorkar leh an inring tawh lo niin a sawi a, a chhung a\angin an kulh a chim nia sawiin, sorkar leh inrinna nei tawh chuang lovin a mualpho lo tawka inthlan chuh an tum niin a sawi a, Assembly inthlana thuneihna an chan chuan School hrang hrang Congress sorkar-in dinhmun sanga a hlankai theih lohte chu dinhmun sang zawkah an hlangkai vek dawn niin a sawi a, Mizo Contractor-ten harsatna an tawhte chu an sutkian sak dawn niin a sawi bawk.

Pu Zoramthanga chuan remna thuthlung an ziahah Mizoram neitu nihna leh a khawih chet theihna chu parliamentah ni lovin Mizo te kutah a awm niin a sawi a, ILP pawh Parliament in a duha a tihtawp theih a ni lo niin a sawi bawk.