Mipuite rin lawk loh takin, MNF party office bearers te hi siksawi an ni a, Treasurer nilai Pu Vanlalzawma leh PAC member nilai Pu Lalthlengliana te chu Vice President ah hlankai an ni a, Treasurer ah Core Committee member nilai Pu K Vanlalauva dahluh a ni bawk. Pu Lalthlengliana leh Pu K Vanlalauva te hi MNF party-a elected office bearers an nih vawi khatna ve ve a ni.
MNF party hruaitu tharte hi 2019 a\anga 2022 thlenga hruaitu turte an ni a, President Pu Zoramthanga leh Sr Vice President Pu Tawnluia te chuan an nihna ngai an chelh chhunzawm ve ve dawn a ni.
Mipuite hriat lar loh takin member 33 awm na MNF Party nomination committee hi nimin khan Hnam Run-ah an \hukhawm a, damlo tih loh member te an tel kim a, official nomination turte hi hetah hian thlan chhuah an ni a, vawiin chawhnu dar 3 thleng khan nomination file theih ni mahse chuhpuitu an awm loh avangin Returning Officer chuan Office Bearers thar te hi tlingah a puang a ni.
MNF OB thlan thara Vice President nilai pahnih Pu R Tlanghmingthanga leh Dr R Lalthangliana te hming lang ta lo hian sawi zui a hlawh nghal hle a, hetihlai hian Zonet zawhna chhangin Dr R Lalthangliana chuan an party hotupa Chief Minister Pu Zoramthanga ruahmanna siam dan chu lawm takin an pawm tih a sawi.
MNF hruaitu dinglaite hun chhung hi nikum Assembly inthlan hma khan a lo tawp tawh a, inthlan dawn a nih avangin an hun pawhsei an nih hnuah tunah hian hruaitu thar thlan chhuah an ni ta a ni.
