MNF Sr. Vice President, Pu Tawnluia chuan inthlannaa an chak chuan mipui tana thlamuanpui tham sorkar siam an tum tih a sawi.

0
480
views

 

He thu hi vawiina Khawzawl Zaingen YMA Hall-a Tuichang bial campaign bul\annaah sawiin Pu Tawnluia chuan bial mipuite zarah thlantlin a nih a beisei thu sawiin, Pu Zoramthanga hovin mitin huapzo sorkar din an tum niin a sawi a, chu sorkar chu corruption laka fihlim, langtlang thei, mipuite hnena thuneihna semzai tur, VC leh local body-te tichaktu tur sorkar a ni dawn niin a sawi a, tuna Congress sorkarin zu zawrh phalna a pek chhuah chu Zoram mipuite ti \aptu nia sawiin tihtawp an tum dawn niin a sawia, Ruihhlo doin Ruihhlo ngaite chhanchhuahna beihpui thlak an tum dawn niin a sawi bawk.

He inkhawma thusawitu dang Pu Lalruatkima MLA pawhin tun Mizoram sorkar hi chung lam leh Zoram mipui pawi khawihtua puhin kohhranten yellow card an pe mek niin a sawi a, inthlanna neih hunah red card pe-in, an sorkarna an titawp dawn niin a sawi bawk. Pu Lalruatkima chuan Pathian leh mipui zara sorkar an siam theih chuan ration chini an sem leh dawn niin a sawi a, SEDP hmanga sawhthing lei an tum bakah kuthnathawktute dinchhuahna dar an vaw dawn niin a sawi bawk.

Campaign bul\anna inkhawm hi Tuichang North MNF Block President,Pu H. Lalhmachhuana’n a kaihruai a ni.