MNF Sr. Vice President Pu Tawnluia chuan MNF leh BJP te hi Ideology inkalh tlat an ni a, thawkho thei an ni lo niin a sawi.

0
278
views

 

He thu hi vawiina Khawzawl Vengthara MNF Campaign Office-a inkhawmah sawiin, Pu Tawnluia chuan MNF leh BJP an thawk dun nia sawiin beih an tawk mek niin a sawi a, Pathian leh mipui zarah MNF hi a lo sorkar a nih chuan Kristian Sakhua humhim tlat an tum dawn a, BJP-in an tuipui Hindutva chu MNF chuan a tuipui lo mai ni lovin a do tlat niin a sawi a ni. Pu Tawnluia chuan sorkar siam tura thuneihna an chan chuan Yoga an hmang ve dawn lo niin a sawi a, Bawng talh khap pawh an remti dawn lova, Kristian-na tidal zawng leh nekchep zawnga chetna reng reng chu an dodal dawn niin a sawi a ni. He inkhawm hi Tuichang North Block MNF President, Pu H. Lalhmachhuana’n a kaihruai a ni.