MNF Sr. Vice President Pu Tawnluia’n ram dang mi Mizorama dan lova an rawn luh lohna tura hma la loah Sorkar a puh.

0
280
views

 

Vawiina an party office Hnam Run inkhawmah thu sawiin Pu Tawnluia chuan, tunhnaia Assam in National Register of Citizens Draft List a tihchhuahah tel lo tam tak an awm thu a sawi a, heng mi te hi sa himna zawngin a rem remah an tlan dawn tih a chiang a ni a ti a, Mizoram sorkar chu heng mi te lo dang tura hma la loah apuh a ni. Pu Tawnluia chuan, MZP in Sorkar a inrawlh vat loh chuan ramri an ven tur thu an sawi a ngai ta chu vanduaithlak a tih thu a sawi a, hei hian Sorkarin ram leh hnam himna tura hma a lak tawk loh zia a ti lang niin a sawi. Tunhnaia MPCC President Pu Lal Thanhawla’n MNF chu Nationalism sawi nagm tur an ni tawh lo tih a sawi chungchang chu chhangin Pu Tawnluia chuan, MNF chu Mizo hnam party a ni a ti a, Vai pawlin Mizo Nationalism-ah sawi ve tur pakhatmah an nei lo zawk a ni a ti. Pu Tawnluia chuan Assembly inthlan a thuneihna an chan chuan Zalenna suala ramute chu duhsak hmasak tur an nih thu sawiin an party SEDP ah pawh ruahmanna an siam niin a sawi bawk. Inkhawm hi an pawl Adviser Pu Vaninmawia’n a kaihruai a ni.