MNF Thalai President Pu Lalrinawma MLA in NRC nei lo Assam atanga rawn luh tum te MZP ten Check post ah an lo dan avangin Tlawng dung atangin engine boat hmanga a ruka lo luh tum an awm nia an hriat thu a sawi.

0
211
views

 

Vawiin a Aizawl Press Club a Press mite a kawmnaah Pu Lalrinawma chuan, tunhnaiah Mizoram leh Assam inkalpawhna Police Check Gate hrang hranga MZP ten NRC nei leh nei lo an endikna hmun te an tlawh tih a sawi a, Assam in NRC an kalpui avanga dan lova Mizorama rawn luh tum tam tak MZP te hian an hmuchhuak niin a sawi a. Assam in NRC a kalpui dawn tih an hriat a\angin State \henawmte chuan an ramah dan lova ramdang mi an luh loh nan nasa takin hma an la nghal nia sawiin, ramriah Police te dah belhin Check post te an siam belh niin a sawi a, hetihlai hian Mizoram Sorkar chu a che muang hle nia sawiin MZP te an chetchhuah hial a ngaih phah niin a sawi a, Tlawng lui hmanga lo luh tum nia an hriatte veng turin Sorkar chu tlawng dungah duty post hawn belh tura an phut thu a sawi.

Pu Lalrinawma chuan Vairengte check post chu an indaih loh avangin a dang siam belh theih an duh thu a sawi a, ramdang mi Mizorama dan lova an luh loh nan Sorkarin NGO te thawhpuiin ILP nei lo, thi tawh leh NRC a chuang lo te dap chhuah runpui nei se duh thu te, Lengpui \umhmunah check post dah belh an duh thu te sawiin Mizoram luhka zawng zawngah CCTV nen tangkawpa uluk zawka venhimna kalpui tura sorkar an phut thu a sawi a, Sorkarin ILP a pekchhuah dan chu a him tawk lo nia sawiin, sponsor-tu document dah tel ngai lova temporary ILP neih theih nia lang te, Central Goods & Services Tax hmanga Mizoram sum dawng tura non-tribal tan ILP phût a ni lo te chu thil dik lo a ni a ti.