MNF Thalai Vice President Lalremruata Chhangte in Mizorama College hrang hrang ten zirtirtu an indaih loh avangin harsatna an tawk mek niin a sawi.

0
229
views

 

Vawiina Aizawl Press Club a thuthar thehdarhtute a kawmna-ah Pu Lalremruata Chhangte chuan, Sorkar enkawl College 26 zinga 2 Govt. T Romana College leh Govt. Kamalanagar College tih loh a dang zawngah zirtirtu Asst.Professor post awm sa hnawhkhah loh 151 a awm niin a sawi a, hemi avang hian College hrang hrang ten zirlai an lak tam thei loh phah nia sawiin Aizawl khawpuia College a zirlai luh tum seat chang lo a kum telin an pung tulh tulh niin a sawi a, Pu Lalremruata Chhangte chuan, kum 2014-16 a College hrang hrang tan zirtirtu 11 Sorkarin contract basis-in a lak bak tun thlenga lak ala neih loh thu a sawi a, Contract a lak dah ngheh awm mahse zirtirtu erawh an pun belh lo nia sawiin College zirtirtu indaihlohna chu ala ngai reng tho niin a sawi. Pu Lalremruata Chhangte chuan, RUSA hnuaia Asst. Prof. post 70 chuang awm kum 2014 a\anga tun thlenga sorkarin ala hnawhkhat theih lo chu an hriatthiam loh thu a sawi a, heta sum sen tur hi RUSA in zaa 90 a tum tur nia sawiin heti chunga zirtirtu Sorkarin ala thei lo chu zirna a ngaihthah zia ti lang tu niin a sawi.