MNF Treasurer, Pu Vanlalzawma, MLA chuan an party-in MLA an neih belh dawn niin a sawi.

0
281
views

 

He thu hi vawiina a bial Aizawl West III huam chhunga an party hruaitu intawhkhawmah sawiin Pu Vanlalzawma chuan, Congress chhungkaw buaina-in zual lam a pan zel niin a sawi a, hei hian an MLA-ah nghawng a nei chho mek nia sawiin inthlan hmain MNF-in MLA a neih belh ngei dawn niin a sawi. Pu Vanlalzawma chuan, Congress-in an party zawm tur atana an awh ngawih ngawihten MNF an zawm zel chu an helh hle niin a sawi a, hemi avang hian sawiselna tur nasa takin an dap a, an party Vice President, Pu R. Lalzirliana an hnawhchhuah tak pawh party tana \ha lovah an chhuah bawk nia sawiin an MLA Pu Lalrinliana Sailo pawh Congress Legislature Party meeting-ah an tel duh ta lo niin a sawi. Pu Vanlalzawma chuan, Congress rorelna hnuaiah ramin nasa takin a chhiat phah thu te, kum 10 chhungin kawng chhia an siam \ha thei lova, zu an zawrh avangin \halai tam takin nunna an chan phah a, Kohhran leh mipui an rum nia sawiin heng avang hian Congress chu thuneihna pek leh chi an nih tawh lo niin a sawi bawk. Pu Vanlalzawma chuan, kumin Assembly inthlanah an chak ngei dawn niin a sawi a, amah khing turin tupawh rawn ding se a chak leh ngei dawn niin a sawi bawk.

Inkhawm hi Aizawl West III MNF Block President, Pu Rochawiliana’n a kaihruai a ni.