MNF Treasurer Pu Vanlalzawma MLA chuan kum 10 dawn Congress sorkarah thil tha lam aia tha lo lam hriat tur tam lutuk chu vanduaithlak a tih thu a sawi

0
855
views

MNF Treasurer Pu Vanlalzawma MLA chuan kum 10 dawn Congress sorkarah thil tha lam aia tha lo lam hriat tur tam lutuk chu vanduaithlak a tih thu a sawi. He thu hi nimina Lunglei District-a Chhipphir khuaa, an party SEDP zirhona neihah a sawi a, NLUP hlawhchham dan CAG report in a tarlan te, Lottery pawisa tam tak bo thu te, Zo-Carbon hmanga Pawisa tam tak tih ching pen chungchang te, Dihmunzawla PHE building thiah dan mak tak te, Mizo zirlai NIAS a tirhdan mak tak te, Kolkata-a Chief Minister Pu Lal Thanhawla in ropui tak neih chungchang te, Driver kut thlak thu te leh Sumo Document chhuhsak te, Assembly House a Zu chungchang resolution put luh te, Lei dawh lai vawi 6 chim thu leh chhiatna thleng tam tak awm chungchang chu mipuite thil hriat ber a ni chu thil vanduaithlak tak a tling a ni a ti. Pu Vanlalzawma chuan, Congress sorkar chu World Bank kawngpui enkawl tha hleithei lo-ah puhin Lunglei North huam chhungah MNF in thuneihna a chan laia hmasawnna thleng bak tun sorkarah sawi tur he bial mipui ten an van hle a niin a sawi. Pu Vanlalzawma hi Lunglei Sub Hqrs hruaitute leh Hqrs Hruaitu ten an tawiawm a ni.