MNF Vice President, Dr. R. Lalthangliana’n an Party chu ngaihdan nghet tak nei, issue base mai mai behchhana kal ve ngai lo an ni tih a sawi.

0
591
views

He thu hi vawiina Mizo Hnam Run chhung inkhawmah sawiin, Dr. R. Lalthangliana chuan, polician-te zingah dinna nghet tak nei lo an awm \hin a. MLA inthlan hma kha chuan ZNP, MPC leh ZPM chu zu zawrh duh lo angin an insawi a, an lo lawm viau tawh laiin tunah zu zuar party an thawhpui leh thei mai chu thil mak tak a ni, a ti a. MNF chuan thuneihna an chan tirh a\angin zu an titawp nghal a, tunah phei chuan a khapna tur dan an pass hial tawh tih a sawi. Dr. R. Lalthangliana chuan MNF chu BJP nen an thawk ho ti an la awm fo nia sawiin, a nihna takah chuan BJP eiraltu chu MNF hi a nih zawk a ni, a ti a. Phai lama an hruaitu lianten an lo sawi danin Congress chu Hinduism-a innghat party an ni a, BJP chu Hinduthva an innghat an ni thung a, MNF erawh chu Pathian leh Kan Ram tan titu an nih avangin an thil tum chu a inpersan daih a, thawk ho thei an ni lo hrim hrim a ni, a ti a. Mizoram, Sakhuana leh hnam an rawn nekchep a, an rawn do a nih pawhin Pathian leh Kan Ram tan titu MNF chuan a tawp thlengin an do dawn tih a puang a ni.

Mizo Hnam Run chhung inkhawm hi MNF PAC Member, Pu K.Vanlalauva’n a kaihruai a ni.