MNF Vice President Dr R Lalthangliana’n Congress paty a la cham mek tui tawh si lo ten MNF party a vote pek hlan an nghakhlel tawh hle niin a sawi.

0
227
views

 

He thu hi vawiina Thingsulthliaha |awi West Block MNF Conference leh Campaign \anna inkhawm neihah a sawiin Dr R Lalthangliana chuan, Congress party chhung buai puakkeh chuan nghawng a nei chho zel niin a sawi a, an party hruaitu lawk ten an chhuah san hnuah pawh tun hun thlengin an party mipui leh hruaituten an chhuah san thawm hriat tur ala awm chho reng nia sawiin Congress a\ang chhuak si lova MNF vote tuma inkau tam tak an awm niin a sawi.

Dr R Lalthangliana chuan, thuneihna an chan laia Saitual District an puan tawh chu Assembly inthlana thuneihna an chan chuan a tlangdung mipui te lungtlukna zanin an tipuitling dawn niin a sawi a, Congress sorkar hmasa in cheng khat mah hnutchhiah lovin District 5 a puang nia sawiin, chungte chu an ti puitling vek niin a sawi.

Inkhawm hi |awi West Block MNF President Pu C.Lalramchhana’n a kaihruai a, he biala MNF ticket a ding tur, Pu R Lalzirliana’n thu a sawi bawk.