MNF Vice President Dr. R Lalthangliana’n Congress sorkar chu MNF kuhmuma par niin a sawi. He thu hi vawiin a Aizawl South III huam chhunga an party political training, North Lungleng Community Hall-a buatsaihah a sawi.

0
238
views

Dr R Lalthangliana chuan MNF in thuneihna a chan laia sum tam tak a sawi chhuah sa chu Congress in rochunin hemi hmang hian hna an thawk niin a sawi a, MIMER din a nih theihna pawh MNF-in sulhnu pawimawh tak a nei nia sawiin Building 51 sak a nih thu a sawi a, Building lian lo tak leh extend tih loh Building sak thar Congress in a neih loh thu a sawi. Dr R Lalthangliana chuan an party in thuneihna a chan laia Lammuala Rajiv Gandhi Stadium sakna tur sum cheng Vbc. 20 chuang an sawi chhuah sa chu Congress in Mualpui-ah sawnin an sa niin a sawi a, Republic Vengthlanga Hawla Indoor Stadium sak pawh sum an sawi chhuah hmanga sak a nih bakah MNF hun laia sum sawi chhuah sa hmanga Congress in hna an thawh tam tak a awm thu a sawi bawk. Dr R Lalthangliana chuan MNF kum 10 a sorkar chhungin hmasawnna nasa tak a thlen niin a sawi a, Lunglei World Bank Road laih te, Congress-in Police Battalion khat pawh a lak theih loh laiin Police Battalion 4 lak a nih thu te, Assam Rifle ram laksaka New Secretariat sak a nih thu a sawi. Dr R Lalthangliana chuan Samtlang kawng chhe lutuk chu veiawm a tih thu a sawi leh Congress sorkar-a inkalpawhna kawngpui chhe lutuk chu ram leh mipui hmasawnna an ngaih pawimawh loh zia tilangtu nia sawiin kumin Assembly inthlan a thuneihna an chan chuan a hma ang bawkin Zoram dung leh vang inkalpawhna kawngpui chu siam \hat leh vek a ni dawn niin a sawi bawk. Inkhawm hi Aizawl South III North Block President Pu Lalngaihawma’n a kaihruai a, an pawl General Hqrs. Secretary Prof. F Lalnunmawia’n thu a sawi bawk.