He thu hi vawiina Champhai North MNF Block I & II Political training a hmanpuinaah sawi a. Dr R Lalthangliana chuan, Assam State in National Register of Citizens a kalpui hnuah a \henawm state hrang hrang ten ram dang mi an ramah an lut ang tih hlauin ramri-ah venhimna nasa zawkin an kalpui nghal niin a sawi a, hetihlai hian Mizoram sorkar erawhchu a muangchang hle nia sawiin MZP ten nawr mahse chet an lak lawk loh avangin MZP te chu NRC a chuang lo Mizorama lut tur endikin an chetchhuah a ngaih phah ta hial niin a sawi.
Dr R Lalthangliana chuan, NRC chungchangah MZP ten sorkar chu a tir a\anga lo inveng lawk turin an ngen niin a sawi a, Assam in NRC Draf list a tih chhuah hnuah pawh an ngen nawn leh thu sawiin heti chung hian hma ala chuang lo nia sawiin Ram venhim kawngah Sorkar a muthlu rei lutuk niin a sawi a, mizoram himna atan congress party chu thuneihna pek nawn ngam chi an ni tawh lo niin a sawi.
Inkhawm hi Champhai North MNF Block I President Pu PC Zohlira’n a kaihruai a, MNF Adviser Dr ZR Thiamsanga’n thu a sawi bawk.
