MNF Vice President, Dr. R. Lalthangliana’n Congress sorkarin Hnahthial, Saitual leh Khawzawla Treasury a hawng chu mipuia hmaiphih tumna mai niin a sawi.

0
258
views

 

He thu hi vawiina South Tuipui bial Hnathial Bazara Campaign hawnna inkhawmah sawiin Dr. R. Lalthangliana chuan, thuneihna an chan laia District atana an puan Hnahthial, Saitual leh Khawzawl te chu Congress-in a tihpuitlin loh avangin heng khuaahte hian mipuiten Congress an dem nasa hle niin a sawi a, heng khuaa Treasury an hawng nia sawi chu chauh thubarawh thil tih nia sawiin, sorkar an siam theih chuan District thar an lo puan tawh te chu tipuitling vek an tum dawn niin a sawi a, Treasury Office leh District-in a ken tel District Office dangte chu a hrana hawn ngai lo niin a sawi bawk. He inkhawmah hian Dr. R. Lalthangliana chuan an party zawm thar mi engemawzat a lawmlut nghal bawk.

Home Minister a\anga bang Pu R. Lalzirliana pawhin thusawiin kum 2008 inthlan dawna “Hnahthiala Pu Lal Thanhawla leh tuna bialtu MLA Pu John Siamkunga ten MNF-in District an pek ang mai mai ni lo, District fuke kim an pek tur thu an sawi niin a sawi a, mahse tun thlengin hmuh a ni ta lo niin a sawi. Pu R. Lalzirliana chuan Cabinet Minister a nihna a\angin banna thehlut mahse Congress party a\anga ban erawh a tum loh thu a sawi a, mahse lalchhungkaw siam len zel nan hnawksak an tih avangin amah chu an hnawtchhuak ta nia a hriat thu te, hnawhchhuah a nihna rilru chu a thianghlim lo hle nia a ngaihthu a sawi bawk.