Vawiina North Vanlaiphai MNF Group huaihawt, mithar lawmluhna inkhawmah thu sawiin, Dr. R Lalthangliana chuan Congress sorkar kum 10 chhungin ram hmasawnna lian a awm lo niin a sawi a, Pathian leh mipui zarah MNF in thuneihna an chang a nih chuan SEDP hmangin Zoram mamawh hmasawnna an thlen dawn niin a sawi.
Hrangturzo biala MNF Candidate Pu Lalchamliana pawhin thu sawiin, MNF chuan hmun tinah hmasawnna a hmu niin a sawi a, Hrangturzo bialah pawh san lam an pan zel niin a sawi. North Vanlaiphaiah MNF Group huaihawt a mithar lawmluh inkhawm hi MNF Group President Pu VL Rinsanga’n a kaihruai a ni.
