MNF Vice President Dr R Lalthangliana’n kum 10 an sorkar chhungin thil tih dik tawk loh leh mi rilru tih nat an neihah ngaihdam a dil tih a sawi a, kumin Assembly inthlana thuneihna an chan chuan thil a danglam tawh dawn niin a sawi.

0
259
views

 

Vawiina Aizawl West I Block MNF intuaitharna buatsaih hmanpuiin Dr R Lalthangliana chuan MNF sorkar hunlaiin hmasawnna tam tak a thleng niin a sawi a. tunhnaiah mi\henkhat awlsam taka thuneihna chan tuma nasa taka bei an awm nia sawiin, hetiang mi hian hlawhtlinna an chang tak tak ngai lo a ni a ti a, SEDP chu Congress NLUP nen khaikhin chi a ni lo nia sawiin SEDP chu mipuite an tu leh fa te thlenga eizawnna ngelnghet siamsakna tur niin a sawi.

Aizawl West I Bialtu MLA Pu K Sang\huama pawhin thusawiin kumin Assembly inthlana thuneihna an chan chuan, Congress sorkarin an tih tawp tawh Ration chini chu an sem leh dawn niin a sawi a, eirawngbawlna Gas pawh an sorkar hmasak ang bawkin mipui hnenah awlsam tak leh hnianghnar zawkin an pe leh dawn niin a sawi bawk. Inkhawm hi Aizawl West I Block MNF Vice President Pu Lalruatkima’n a kaihruai a ni.