Vawiina Hnam Run inkhawm a hmanpuinaah sawiin Dr R Lalthangliana chuan, thuneihna an chan tuk a\angin Mizo \halai sang tel suattu zu do nan dry day hmangin hma a la nghal tih leh Assembly rorel inkhawmah zu khapna dan an pass nghal tih a sawi a, kawng chhia avanga harsatna pawh a hmunah Chief Ministerin kalchilhin chak taka siam\hat hna thawh nghal a ni a ti a, Congress kum 10 an sorkar chhungin kawng an siam duh lo hrim hrim em ni tih chu zawhna awm thei a ni a ti. Dr R Lalthangliana chuan, Cancer Hospital tihchangtlun nan Cancer hemna khawl thar leina tur leh building tihchangtlun na tur cheng nuai 4427 hmuh thar a nih tu te, State drugs testing laboratory dinna tur sum hmuh a nih thu te leh Trauma Centre pasarih dinna tur ruahman fel a nih thu te a sawi a, MPSC kaltlangin tun thla chhungin doctor 31 lak an nih tur thu a sawi bawk a, an hmalaknaah mipuite an lungawi niin a sawi. Dr R Lalthangliana chuan, an party MP candidate chu Pathian \ih mi leh mi hmantlak, mi \ha a nih avangin MNF sorkar hmasa hunlai pawhin Mizoram sorkar hnuaia thawk turin an lo la chhuak tawh tih a sawi a, Aizawl West I biala an party candidate Pu Zothantluanga pawh khawtlang leh kohhrana mi\angkai, mite ngainat a ni a ti.
