MNF Vice President, Health Minister Dr R Lalthangliana’n Sorkarin SEDP a kalpui turah Department sum an pawt peng ve dawn lo niin a sawi.

0
269
views

He thu hi vawiina Khawzawl Vengthar-a an party intawhkhawm a hmanpuinaah sawiin Dr R Lalthangliana chuan, SEDP atana sum hman tur chu tunhnaia Assembly Budget Session neih zawh takah dah a ni a ti a, Sorkar hmasain NLUP a kalpui khan sorkar department sum nasa takin a pawt peng niin a sawi a, hemi avang hian Department hnathawk mumal thei lo an tam hle nia sawiin MNF sorkar chuan SEDP chu hetiang hian a kalpui ve dawn lo a, Department hrang hrang te chuan hna nasa taka thawk chungin SEDP an kalpui dawn niin a sawi.

Dr R Lalthangliana chuan, District nei thar turte chu Chief Minister Pu Zoramthanga hnenah lawmthu sawi an ba nia a hriat thu sawiin in luah chawp pawhin a taka DC \huttir thuai an tum tih a sawi a, fuke kima District siam chhoh chu a huhphurhawm loh nia sawiin kum 1998 a Congress sorkar tla turin District 5 a puan pawh Term khat chhungin MNF Sorkarin a tipuitling hman vek tih sawi. Dr R Lalthangliana chuan Sorkar hmasa Congress sorkar chu pawisa awm lo chhuanlama hmanga mipui harsatna tawhte sukiang duh loah a puh a, an sum hman bangnawiin Sorkar tharin hna tam tak a thawk hman niin a sawi.

Inkhawm hi Tuichang North Block MNF Pu H Lalhmachhuana’n a kaihruai a ni.