MNF Vigilance Chairman Pu R Tlanghmingthanga’n Congress sorkar chu Falkawna Referral Hospital din kawnga MNF sorkar hmalakna chhunzawm duh lohah a puh.

0
667
views

 

An party \halaite nen vawiin khan Falkawna MIMER hi an tlawh a, ram chhunga Medical College \ha ber pawl St John Medical College, Bangalore nen thawk hova Mizoram sorkar sum senso tlemte sia Medical College \ha tak din tumin MNF Sorkar chuan hma a la niin a sawi a, inremna thuthlung MoU duan nimahse, an ziak fel hman ta lo niin a sawi a, Pu R Tlanghmingthanga chuan, an tum angin St John Medical College nen thawhho nise Congress sorkarin in cheng tam tak an senna chu pumpelh theih a ni dawn nia sawiin, Medical College pawh a changtlung hle zawk dawn niin a sawi a, tuna sorkar in a kalpui danah chuan Medical College chhuanawm lo tak neih a hlauhthawn thu a sawi.

Pu R Tlanghmingthanga chuan, Falkawn Refferal Hospital ar vulh nan baka hman tlak loh anga Congress in an sawi \hinah MIMER an din leh si niin a sawi a, Referral Hospital din nan Sorkar laipui atangin cheng Vbc. 40 chauh an dawng nia sawiin, he sum hmang hian Hospital Building, Administrative Building, Laboratory Building, OPD Build., Kitchen, Laundy bakah Staff quarter 224, an sa hman vek niin a sawi a, Building sak zawng zawng te chu cheng khat pawh Revised lovin a tira sum ruahman angin an sa zo vek niin a sawi a. Congress Sorkar chuan Building pakhat pawh an sa ve lo niin a sawi.