MNF Vigilance Committe in MIMER-a thawk tur Staff Nurse leh thawktu dang lak hna chu sorkarin MPSC kut atangin a lak sak niin an sawi a, hei hi thil fel tawk lo tih tumna lian tak nia an hriat thu an sawi.

0
212
views

Vawiina Aizawl Press Club a thuthar lakhawmtute an kawm naah he thu hi sawiin, MNF Vigilance Secretary Pu David R. Lalsawmtluanga chuan RTI hmanga an zawhna chhanaah MIMER-a thawk tur lak hna chu MPSC kut atangin MIMERS thuneitu kuta dah tumna a awm niin a sawi a, state thenkhat-a an kalpui dan hna hralh thin ang chu Mizoramah a thlen ve an hlau tih a sawi a. Heng bakah hian College pakhat hotu, sorkar hnathawk pension tawh Contract-a rawih nawn Director kuta thuneihna sang lutuk pek chu him lo a an hriat thu a sawi.

MNF Vigilance Committe hruaitute chuan zirna-ina thawktute chuan Academic lam chiah an ngaihtuah tur a nih laiin MIMERS-a thawktu pakhat chu Administration leh Financial lamah thuneihna sang tak pek a ni an ti a. Health Department-a hotu Minister, Secretary leh Principal Director-ten thuneihna an neih ve miah lohna Medical College a\anga zirchhuakte chu mihring enkawl tlak an ni lo ang tih an hlauhthawn thu an sawi a, Mizo mipuiten an thawh ve theih miah loh turin cheng vbc 189 senga hnathawk turin hnamdang Firm pakhat Hospital Services Consultancy Corporation Limited chu open tender pawh chhuah miah lovin an ruat niin an sawi bawk.