Motor-a bawlhhlawh leng lo vangin Zarkawt kawn kawng sirah bawlhhlawh paih khawm

0
365
views

Tuk thum lai, Zarkawt mipuite bawlhhlawh paih chu a paihna motor-a a len tawh loh avangin vawiin khan Zarkawt kawn kawng sirah mipuiten an bawlhhlawh tam tham tak an paih khawm. Zarkawt khawtlang hruaitute hnen atanga Zonet thu dawn danin, AMC-in tun thla tir atanga bawlhhlawh paih motor thar a hman \an hnuah, Zarkawt mipuite bawlhhlawh chu tuk tin motor-ah hian a leng lo ziah a, a tam zawk chuan an bawlhhlawh hi an khai let leh \hin niin an sawi. Tuk thum lai hetianga an bawlhhlawh paih tur hi khai let a ngaih tak ziah avang hian mipuite chuan an bawlhhlawh chu Zarkawt kawn, motor kawngpui sirah hian an hnutchhiah ta niin an sawi a ni. Clean Zarkawt hruaitute pawhin kum 10 dawn lai, veng chhung faina atana an lo beih tawh hnuah, bul \an a ngai leh ta pawi an tih thu an sawi a. AMC chu Local Council-te rawn lo-ah puhin, bawlhhlawh paih kawngah hian Local Council-ten an huam chhung an hriat chian ber avangin an kutah thuneihna hi pek ni se tha an tih thu an sawi. Vawiin tlai thim hma thleng khan Zarkawt kawnah hian bawlhhlawh hi a la awm a ni.