Motor siamtu company lar, Fiat Chrysler Automobiles-in Jeep ruangam leh hmelhmang Mahindra company-in a entawn nia a sawi avangin, US International Trade Commission, ITC-in Mahindra and Mahindra Limited siam ROXOR motor a chhui chiang dawn.

ITC lam chuan an thu dawn hian Fiat Chrysler company thil entawna siam US ram chhunga lakluh leh hralh chungchang a nih thu leh ni 45 chhunga report buatsaih theih an inbeisei thu an sawi a ni.

Mahindra chuan Fiat Chrysler-in ITC an pun chungchang hi thla hmasa lam khan a lo puangzar tawh a, kum 2009 lama Fiat Chrysler nena inremna an lo neih tawh zulzuia inremna dang siam leh tuma an beih mek thu an sawi bawk a ni.