MPC Party-in vawiin khan kumin atan an party office an khar a, kum 2018 January ni 16-ah an hawng leh ang. MPC Party office kharna inkhawm hi MPC party Sr. Vice President, Pu Vanlalhlana’n a kaihruai a. Party President, Pu Lalhmangaiha Sailo-in thu sawiin, PC sorkarin rahbi \ha tak tak a lo siam sa, hmasawnna lama hman tangkai tur pawh hmang duh lotute avangin Zoram chu tun thlengin retheihna an la tuar ta niin a sawi a, Larsap hlui, AR Kohli-a pawhin kutdawh hnam niin a sawi hial niin a sawi. Kutdawh hnama Mizo-te siamtu chu Congress leh MNF sorkar nia sawiin, hnam dang, Mizo-te chim ral thei dona lamah pawh sorkar ding tawh pahnih hi an vuaicha em avangin, kawng awm chhun chu a thlaktu tur sorkar tir chauh niin a sawi bawk. Naktuk, Zirtawpni hian party pathum – Congress, MNF leh ZPM pawhin party office kharna inkhawm an nei dawn a ni.
